本帖最後由 宅女 於 2019-5-13 00:06 編輯
終於有時間上去搞了,報告吓先!
因為係聯通大廈搞實名電話卡,所以就去佢後面既工商銀行開戶,可能係實名順利,過到黎開戶算早都無咩人,又係一去到就埋櫃位搞😂
雖然職員都係講普通話,但都聽得明廣東話,因為我D港普話很普通,佢一樣聽得明😂,同樣呢間D職員都好Nice👍
去到需要出示身份證,回鄉卡,香港住址證明,大陸電話卡,1000人仔,一個老作得合理既深圳地址😂,櫃位職員睇過齊資料就安排我去機自己入資料,部機step by step都清楚易明,唔難搞,
入好曬資料之後,職員會再埋o黎幫你影低D資料文件!
溫馨提示:最好事先裝定大陸支付寶,微信同融e行,融e生活 App係同一部裝置內,另外最好表明要同時開通網上銀行同唔收收費短訊提示及綁定支付寶,微信,
職員就會幫你搞,可能無咩人既關係,有兩職員同時招呼我😂,所以都好快就攞到卡,之後埋櫃員機入1000人仔,就搞掂走得!!
p.s 福田出關個時我順便過對面工行問問開戶要求,同我呢間一樣首一個銀行戶口係免年費同開頭存1000,之後只要保持最低結餘300就可以!
(已有實名電話號碼o既巴絲打,可以近D去呢間搞,職員仲識講廣東話添)
另外用咗mr.robot ching既方法搭車真係超方便,仲有唔知點解,車費只係個幾人仔?🤔
全部搞掂之後我仲大把時間過去地下街醫吓肚添😋(已在地圖用紅色圖標標示)
報告完畢!
|