等Cally率先畀啲貼士大家，必逛嘅有TAKARA TOMY期間限定店嘅三架港澳首賣會場限定車同埋四款首賣公共交通工具系列新車、T-CLUB首賣香港獨家發售嘅TOMICA香港懷舊九巴、Mattel嘅Hot Wheels全港獨家優先購車活動、香港玩具節首次發售嘅b.wing X DC「4吋超人人偶」同埋「雪花玻璃球」、會場優先發售爆旋陀螺「狗年版守衞魔犬H.R.」同埋「B-113地獄蠑螈.12.Op」。係咪好多獨家玩具呢？不過仲要記得逛嚇「懷舊玩具墟」，有成萬件收藏品即場可以買到！
買玩具 做善事 $1慈善拍賣
場內仲有加入親子互動元素嘅「TOMICA ． PLARAIL 彈跳遊樂園」，佔地約27.5m x 23.5m，有超巨型滑梯免費畀小朋友任意彈玩跳，仲有「PLARAIL 火車世界免費體驗區」同埋期間限定店。
值得一提，今年嘅《$1慈善拍賣》將會喺6月16號舉行，大會邀請到「香港玩具節大使」森美出席，佢仲會捐出珍藏TOMICA「No. 100 Volkswagen 1200LSE」福士甲蟲車仔同埋「TOMICA香港懷舊九巴」作慈善$1拍賣，兩架車仔更會附有森美親筆簽名O添。有拍賣收益會於當日活動完結後，捐到「香港基督教青年會」（YMCA of Hong Kong），幫助有需要嘅小朋友。香港玩具節門票每張$30，會場即場發售。
